በተትረፈረፈው የጥበብ እና የባህል፣የታሪክ፣የቱሪዝም ሀብት ባለቤት ሀገር ኢትዮጵያ ምድረ ቀደምት የሚል ስያሜ ቢሰጥ ማጋነን አይሆንም፡፡ በመሆኑም ያሉትን የጥበብ እና የባህል ሀብት ተግዳሮቶች ለመሙላት ይሄንን ፕሮግራም ቀርጸን በመንቀሳቀስ ላይ እንገኛለን፡፡ በኢትዮጵያ የጥበብና የባህል ጥበቃ ዘርፍ የሰለጠነ የሰው ሀይል አነስተኛ በመሆኑ፣አስፈላጊ የሆነ ቁሳቁስ ባለመኖሩ፣የተደራጁ ተቋማት ባለመኖራቸው ፣ ወጥ የሆነ መምሪያ ባለመኖሩ፣ሳይንሳዊ መንጎዶችን አለመከተል ዘርፉን በከፍተኛ ሁኔታ ወደ ኋላ አስቀርቶታል፡፡ ስለዚህ ይህ ፕሮግራም ከላይ የተጠቀሱትን ከፍተቶች ለመሙላት የወጣቶችን አቅም በማጎልበት የኢትዮጵያን የጥበብ እና የባህል ጥበቃ ድጋፍ ለማድረግ የተቋቋመ ፕሮግራም ነው፡፡ ይህን አላማ ለማሳካት በተመረጡት የሙያ ዘርፎች ማለትም፦ በዘመናዊ የአሳሳል ዘዴ ጥበቃ፣ የግድግዳ እና የሸራ ላይ ስዕሎችን መጠበቅ፣ የእደጥበብ ውጤቶችን መጠበቅ ሲሆን በዘላቂነት በተለያዩ የሙያ ዘርፎች የኢትዮጵያ የጥበብና የባህል ሀብቶች ለተተኪው ትውልድ ለማስተላለፍ በመጀመሪያና በሁተኛ ዲግሪ ሙያተኞችን ማፍራት ነው ፡፡